Япон улсын аялалын виз

💡 Ерөнхий мэдээлэл & Төлбөр

🗣️
Визний хугацаа: Япон улсын элчингээс ихэвчлэн 3 сарын хүчинтэй виз олгох бөгөөд нэг удаа зорчихдоо 15 хүртэл хоног байх эрхтэй.
💵
Консулын хураамж: Японы Элчин сайдын яамны албан ёсны визний хураамж нэг хүний 110,000 төгрөг байна. Энэхүү хураамжийг олон улсын картаар төлөх шаардлагатай.
💼
Зөвлөх үйлчилгээ: Манай агентлагийн зөвлөх үйлчилгээний төлбөр нэг хүний 500,000 төгрөг байна. Үүнд: Бичиг баримтын иж бүрдлийг хянах, онлайн анкет бөглөх, аялалын хөтөлбөр боловсруулах, консулын ярилцлага болон бичиг баримтын бэлтгэлд туслах зэрэг багтана.
🗺️
Хүүхдийн төлбөр: Визний консулын хураамж болон манай үйлчилгээний төлбөр нь хүүхэд бүрт том хүнийхтэй адил хэмжээгээр тооцогдоно.
📅
Шийдвэрлэх хугацаа: Элчин сайдын яаманд материал хүлээлгэн өгснөөс хойш хариу гарах хугацаа дунджаар ажлын 5 хоног байдаг.

📄 Бүрдүүлэх материалууд

✓
Хүчинтэй гадаад паспортын нүүр хуудасны өндөр чанартай хуулбар.
✓
Биометрик цээж зураг (3.5x4.5 см хэмжээтэй, цахим файлаар).
✓
Санхүүгийн баталгаа: Сүүлийн 6 сарын банкны дансны дэлгэрэнгүй хуулга (файлаар, дансанд 15 сая төгрөгөөс дээш үлдэгдэлтэй байх нь зүйтэй). Санамж: Энэхүү хуулгыг зөвхөн виз мэдүүлэх өдөр банкнаас авсан байх шаардлагатай.
✓
Төрийн лавлагаанууд: Гэрлэлт, Нийгмийн даатгал, хүүхдийн төрсний гэрчилгээний аль нэгний лавлагаа (e-Mongolia англи хувилбар).
✓
Ажил эрхлэлт: Ажлын газрын тодорхойлолт (албан тушаал, цалин заасан англи орчуулгатай лавлагаа).
✓
Сурч буй хүмүүст: Сургуулийн тодорхойлолт (англи хэл дээр).
✓
Бизнес эрхлэгчид: Улсын бүртгэлийн гэрчилгээ, түрээсийн гэрээ зэрэг бизнесийн бичиг баримт (англи орчуулгатай).
✓
Насанд хүрээгүй хүүхэд: Сургуулийн тодорхойлолт, хэрэв эцэг эхийн аль нэгтэй нь аялах бол нөгөө эцэг/эхийн нотариатаар гэрчлүүлсэн итгэмжлэл эсвэл зөвшөөрлийн гараар бичсэн өргөдөл.

🚨 ЧУХАЛ САНАМЖ:

БҮХ МАТЕРИАЛЫГ СКАНЕРДАЖ, АНГЛИ ХЭЛ ДЭЭР ЦААСАН БУЮУ БИЕТ ХЭЛБЭРЭЭР БАЙЛГАХ ШААРДЛАГАТАЙ.